Өспүрүмгө кол салган ит изделип жатат
Бишкектин вицэ-мэри Айжан Чыныбаева борбор калаада өспүрүмгө иттин кол салганы боюнча кеңешме өткөрдү.
Мэриядан билдиришкендей, иттин ээси табыла элек.
«Аталган окуяга күбө болгондор балага кол салган иттин ээси боюнча маалымат бөлүшүүнү суранабыз. «102» кызматына, 0500 43 28 15 жана 0312 37-01-73 номерлерине кайрылсаңыздар болот», — деп айтылат маалыматта.
Ошондой эле мэрия иттердин ээлерине кутурмага каршы эмдөө жүргүзүп, коомдук жайларда итке тумшуккап кийгизүүнү сунуштады.
Эскерте кетсек, 1-апрелде шаардагы балдар ооруканасынын травматология бөлүмүнө ит тиштеп алган 12 жаштагы бала жаткырылган. Окуя Абдрахманов — Токтогул көчөлөрүнүн кесилишинде болгон.
Свердлов райондук милициясы тарабынан аталган факты боюнча Жоруктар кодексинин 119-беренесинин («Майда бейбаштык») негизинде иш козголгон.
Бүгүнкү күндө иттин ээсин издөө иштери жүрүүдө.
Бишкекте азык-түлүк жарманкеси өтүүдө
Бишкектин Жал кичи районундагы гараждардын ордуна спорт комплекс курулат
24-ноябрдын аба ырайы
Жалал-Абадда жаңы аэропортту куруу макулдашылды
Кантта өрттүн кесепетинен бир адам каза тапты
Президент прокуратура кызматкерлерин кесиптик майрамы менен куттуктады
Ташиевге жазылган кат. Эксперттер эмне дейт?
«Ала-Тоо» эл аралык университетинде илим жумалыгы өттү
УКМК төрагасы өзүнө жана үй-бүлөсүнө коркутуулар болуп жатканын айтты
