Эл аралык валюта фондунун каражаты (I транш) каяка жумшалган?

Эл аралык валюта фондунун каражаты (I транш) каяка жумшалган? Финансы министринин орун басары Абдыбалы тегин Сүйөркул маалымат жыйынында сырттан келген каражат тууралуу маалымат берди.

2020-жылдын апрель-май айларында Эл аралык валюта фондунун каражатынын эсебинен (I транш) 9 765,8 млн сом суммада республикалык бюджеттин төмөнкү чыгашалары жүргүзүлгөн:

— эмгек акы (анын ичинде дарыгерлердин, мугалимдердин жана укук коргоо органдарынын кызматкерлеринин) — 4 115,5 млн сом,

— социалдык муктаждыкка төгүмдөр — 498,5 млн сом,

— Социалдык фондго трансферттер — 2 131,3 млн сом,

— Милдеттүү медициналык камсыздандыруу фондуна трансферттер — 1 310 млн сом,

— теңөөчү трансферттер — 160,8 млн сом (ЖӨБ органдарынын эмгек акысы),

— калкты социалдык жактан камсыз кылуу жана социалдык жардам боюнча жөлөк пул — 1 102,9 млн сом,

— медициналык товарларды жана кызматтарды сатып алууга — 106,3 млн сом,

— стратегиялык запастар (Мамлекеттик материалдык резервдер фонду тарабынан дан сатып алууга) — 240,1 млн сом,

— оор турмуштук кырдаалга кабылган калкка, социалдык турак-жай салууга каршы күрөшүү максатында киргизилген чектөөлөрдөн улам, тамак-аш азыктарын сатып алууга — 19,4 млн сом.

Эл аралык валюта фондунун 121,1 млн доллар өлчөмүндөгү 2-траншы — экономиканы колдоо боюнча документтер даярдалууда.

Эл аралык валюта фонду Кыргызстанга насыяны кандай шартта берди?

“Тез насыя берүү механизми (RCF)” – 10 жылга 80,6 млн доллар, анын ичинде 5,5 жыл – жеңилдетилген убакыт ичинде 0%;

“Тез реакция кылуу инструменти (RFI)” – 5 жылга, анын ичинде 3 жыл – жеңилдетилген убакыт, 1,07%.