Бишкекке Индиядан 16 кыргызстандык кайтып келди

Бүгүн, 1-июнда Бишкекке Индиядан Кыргызстандын 16 жараны келди. Бул тууралуу Тышкы иштер министрлигинин маалымат кызматы билдирди.

Ага ылайык, алар «Air India» авиакомпаниясынын Дели—Бишкек маршруту боюнча Кыргызстандагы Индиянын жарандарын алып келүү үчүн уюштурулган чартердик каттам менен келишти.

Учурда бардык жарандар белгиленген тартипте тиешелүү медициналык процедуралардан өтүү үчүн обсервацияга жайгаштырылды.