Пенстин айтымында, Вашингтон Анкарага карата жаңы санкцияларды киргизүүгө ниети жок, ал эми буга чейинки чектөөлөр ок атышуу толугу менен токтотулгандан кийин алынышы мүмкүн.
АКШ президенти Дональд Трап Твиттердеги баракчасына: «Түркиядан сонун кабар!.. Миллиондогон өмүр сакталып калат«, – деп жазды.
Great news out of Turkey. News Conference shortly with @VP and @SecPompeo. Thank you to @RTErdogan. Millions of lives will be saved!
— Donald J. Trump (@realDonaldTrump) October 17, 2019
Пенс менен Эрдогандын жолугушуусу эки жарым сааттан узакка созулду. Башында Эрдоган америкалык делегация менен жолугушпай турганын айтып, кийинчерээк планын өзгөрткөн. Түрк президенти АКШнын санкцияларынан коркпой турганын да белгилеген.
Эске салсак, Түркия Сириянын түндүгүндөгү күрд куралдуу топторуна каршы 9-октябрда аскердик жортуул баштаган. Анкара аларды террордук уюм катары эсептейт. Вашингтон тескерисинче, аларды “Ислам мамлекети” экстремисттик уюму менен күрөшүүдө өнөктөшү катары сыпаттаган. Аскердик жортуулдун алкагында Түркия чек арага жакын аймактардын бир бөлүгүн өз көзөмөлүнө алды. Күрддөр болсо түрктөрдүн чабуулунан коргонуу үчүн бир катар шаарларды сириялык аскерлерге өткөрүп беришти.
