Жаандан улам таш кулоо жана сел жүрүү коркунучу бар аймактар

11-13 октябрда күтүлүп жаткан туруксуз аба-ырайына жана жаан-чачынга байланыштуу Өзгөчө кырдаалдар министрлиги таш кулоо жана сел жүрүү коркунучу бар аймактардын картасын жарыялады.

Өзгөчө кырдаалдарга мониторинг жүргүзүү, божомолдоо департаментинин божомолдук материалдырына ылайык, республиканын тоолуу жана тоо этектериндеги райондорунда:

• Чүй облусунун Кемин, Аламүдүн, Сокулук, Москва, Жайыл жана Панфилов райондорунда;
• Ысык-Көл облусунун Ысык-Көл, Түп райондорунда;
• Нарын облусунун Кочкор, Ак-Талаа, Ат-Башы, Жумгал райондорунда;
• Талас облусунун Ч.Айтматов, Бакай-Ата, Манас, Талас райондорунда;
• Жалал-Абад облусунун Чаткал, Ала-Бука, Сузак, Аксы, Ноокен, Базар-Коргон, Токтогул райондорунда;
• Бишкек шааррынын аймактарында кооптуу табигый процесстердин активдешүүсүнө алып келиши мүмкүн.

Өлкөнүн төмөнкү унаа жолдорунда кооптуу болгон табигый процесстер жүрүүсү күтүлөт:

• Бишкек – Ош унаа жолунун 150-246 чакырымында;
• Кербен – Ала-Бука – Каныш-Кыя унаа жолунун 2-13, 22-24 чакырымында:
• Бишкек – Балыкчы (Боом капчыгайы) унаа жолунун 112-138 чакырымында.

Өлкө жарандарын жана айдоочуларды этият болууга жана коопсуздук чараларын сактоого чакырабыз. Өзгөчө кырдаалдар пайда болгон учурда жергиликтүү ӨКМ бөлүктөрүнө кайрылыңыз же “112” бирдиктүү кызматына токтоосуз чалыңыз.