Түркияда терактан 5 киши каза таап, 22 адам жаракат алды

Түркиянын TUSAŞ аэрокосмостук компаниясынын объектисинде болгон теракт Түркиянын стабилдүүлүгун жана коргонуу өнөр жай тармагындагы жетишкендиктерин бузууну көздөйт. Бул тууралуу түрк президенти Режеп Тайып Эрдоган X социалдык тармагына түрк авиакосмостук компаниясынын TUSAŞ объекттерине кол салууга комментарий берип жазды.

Режеп Тайып Эрдоган кол салуудан кийинки алгачкы мүнөттөрдө түрк коопсуздук күчтөрү ыкчам түрдө жооп кайтарып, террористтерди жок кылганын белгиледи.

Түркиянын TUSAŞ аэрокосмостук компаниясынын мекемесинде болгон терактан 5 адам каза таап, 22 адам жарадар болгон. Бул тууралуу Түркиянын ички иштер министри Али Йерликая билдирди.

Министрдин айтымында, кол салууну ишке ашырган эки террорист зыянсыздандырылды. Террорчулардын бири аял экени белгил болгон.

Ошондой эле министр коомчулукту окуя боюнча расмий булактардан алынган маалыматка гана ишенүүгө чакырды.

Түркиянын баш калаасынын Кахраманказан районундагы TUSAŞ мекемесинде болгон теракттан жаракат алган 22 адамдын ичинен айрымдарынын абалы оор экенин ички иштер министри билдирди.

«Террорчуларды аныктоо иштери уланууда. Алардын өздүгү белгилүү болгондон кийин алар кандай террордук уюм экени тууралуу маалымат беребиз», — деди министр. Йерликая Түркиянын түрк элинин биримдигине кол салган бардык адамдар менен күрөшүүдө чечкиндүүлүгүн баса белгиледи.