Биз менен байланышыңыз

Статком: Орточо айлык акы 34 миң 710 сомду түздү

Кыска кабар | 10 Июл 2024 | 143 | 0

Кыргызстанда 2024-жылдын январь-май айларына карата орточо айлык акы 34 миң 710 сомду түздү. Мындай маалыматты Улуттук статистикалык комитеттин төрагасынын биринчи орун басары Назира Керималиева брифингде айтты.

Анын маалыматына караганда, 2023-жылга салыштырмалуу өсүү 11% түздү.

Эмгек акынын жогорулашы дүң жана чекене соода, кыймылсыз мүлк менен операциялар, авто жана мотоциклдерди оңдоо, курулуш, суу менен камсыздоо жана тазалоо, тоо-кен казып алуу, ошондой эле транспорт жана жүктөрдү сактоо, камсыздандыруу жана илимий ишмердүүлүктө байкалган.

2024-жылдын январь-апрель айларында республика боюнча орточо эмгек акы 34 миң 391 сомду түзгөн.

Улуттук статистика комитетинин маалыматына ылайык, Кыргызстандын ички дүң өнүмү ушул жылдын январь-июнь айларында алдын ала баалоо боюнча 560 млрд сомго жакындап, 2023-жылдын ушул мезгилине салыштырмалуу 8,1 пайызга көбөйдү.

Өнөр жай продукциясынын көлөмү 237 млрд сомду түздү. Курулушта өсүш болуп, көбөйүү 48,5% болду. Дүң жана чекене соода 21%, айыл чарбасы 3,3% түздү.

Январь-июнь айларында (өткөн жылдын декабрына салыштырмалуу) керектөө бааларынын жана тарифтердин өсүшү 2,4% болду.

Кыргызстандын тышкы жана өз ара соода көлөмү 2024-жылдын январь-майында 6,5 млрд долларды түздү. Мында экспорт 4,8%, ал эми импорт 21,7% көбөйдү.

Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM