Өлкөгө сырттан ташылган өсүмдүк майларына КНС жоюлду

Кыргызстанга сырттан ташылган өсүмдүк майларына кошумча нарк салыгы жоюлду. Бул тууралуу Министрлер кабинетинин токтомунда айтылган.

Мындай чечим өлкөдө азык-түлүк жана коопсуздугун камсыз кылуу жана тамак-аш товарларына карата базар баасын турукташтыруу максатында кабыл алынды.

Өсүмдүк майына түшүрүлгөн кошумча нарк салыгынын нөлдүк чени 2023-жылдын 15-майынан 2024-жылдын 31-декабрына чейин күчүндө болот.

Кыргызстанда өсүмдүк майын керектөө 60 миң тоннаны түзөт. Өлкөдө мунун 5-6 миң тоннасы, же 9-10% гана өндүрүлүп, калганы сырттан ташылат.

"Марал радиосу" Телеграмда

"Марал радиосу" Инстаграмда

Жарнама

Махбуба Сайпилаева

Пикир калтырыңыз

Марал Радиосу