Чүй менен Нарында облустук милициянын жетекчилери алмашты

Чүй облустук жана Нарын облустук ички иштер башкармалыктарына башчылары, ИИМдин Күзөт кызматына жаңы жетекчилер дайындалды. Бул тууралуу министрликтин басма сөз кызматы билдирди.

Ички иштер министри Улан Ниязбековдун буйругу менен:

• полковник Сапарбек Асаналиев Чүй ОИИБдин жетекчиси кызматынан Нарын ОИИБдин жетекчиси кызматына;
• полковник Дамирбек Исаков ИИМдин Күзөт кызматынын жетекчилигинен Чүй ОИИБдин жетекчиси кызматына;
• полковник Каныбек Абдырахманов Чүй ОИИБдин жетекчисинин ыкчам иштер боюнча орун басарлыгынан ИИМдин Күзөт кызматынын жетекчилигине;
• полковник Таланбек Аттокуров Чүй ОИИБдин кылмыш иликтөө башкармалыгынын жетекчилигинен Жайыл РИИБдин жетекчиси кызматына;
• полковник Искен Базаркулов Жйыл РИИБдин жетекчилигинен Чүй ОИИБдин жетекчинин ыкчам иштер боюнча орун басарлыгына (убактылуу милдетин аткаруучу);
• полковник Руслан Кадыров Чүй ОИИБдин кылмыш иликтөө башкармалыгынын жетекчиси кызматына барышты.

Айта кетсек, Нарын облустук ички иштер башкармалыгынын жетекчиси Канат Жумагазиев кечээ, 7-мартта Садыр Жапаровдун жарлыгы менен президенттин Чүй облусундагы өкүлү кызматына дайындалган.