Маданият министри фонограммага тыюу салган буйрук чыгарды
Бүгүн, 1-январдан тарта фонограмма менен ырдоого тыюу салынат. Тиешелүү буйрукка маданият, маалымат, спорт жана жаштар саясаты министри Алтынбек Максүтов өткөн жылдын 30-декабрында кол койгонун тиешелүү тараптар кабарлашты.
«Министрликке караштуу бардык мамлекеттик маданият жана билим берүү мекемелеринде (театр, оюн-зоок мекемелери, спорттук мекемелер, филармониялар, концерттик залдар, кинозалдар, клуб, музей, китепканалар) концерттик программаларда, маданий иш-чараларда, өздүк же ижаралык көрүнүштөргө карабастан, вокалдык аткаруучулук өнөр 2023-жылдын 1-январынан тартып жандуу үн менен аткарылсын», — деп жазылган буйрукта.
Министр ошондой эле жоопкерчилик ар бир мекеменин жетекчилигине жүктөлөрүн билдирип, буйруктун аткарылышын өзү көзөмөлдөй турганын эскерткен.
Айта кетсек, 2012-жылы Жогорку Кеңеш фонограммага тыюу салган мыйзам кабыл алып, ага ошол кездеги президент Алмазбек Атамбаев кол койгон. Анын негизинде ошол кездеги маданият, маалымат жана туризм министри Султан Раев атайын буйрук чыгарган.
Ымыркайда жүрөк кемтиги эмнеден улам пайда болот?
Белгилүү хирург Эрнст Акрамовду акыркы сапарга узатылды
Кадамжайдагы психоневрологиялык мекемеде бир катар мыйзам бузуулар аныкталды
27-ноябрга карата аба ырайы тууралуу маалымат
ЖК: Интернеттеги жалган жалаа үчүн салына турган айыптын көлөмү азайтылды
Алиев: Кыргызстанда 6900 сомдон төмөн пенсия алган жаран жок
Кыргыз-герман компаниялары Токтогул ГЭСинде калкыма күн электр станциясын курат
Инвестиция, гидроэнергетика жана билим берүү: Садыр Жапаров Германиянын президенти менен жолукту
ЖК: Интернеттеги жалган жалаа үчүн салына турган айыптын көлөмү азайтылды
3 пикир