Азат Эркебаев Тышкы иштер министрлигинин өзгөчө тапшырмалар боюнча элчиси болду

Азат Эркебаев Тышкы иштер министрлигинин өзгөчө тапшырмалар боюнча элчиси болуп дайындалды.

Бул тууралуу «Марал» радиосуна Эркебаев өзү билдирди.

Азат Эркебаев Абдыганиевич 1979-жылы 2-майда Москва шаарында туулган. 2001-жылы Бишкек гуманитардык университетинин чыгыш таануу жана эл аралык экономикалык байланыштар факультетин аяктаган.

2000-2001-жылдары Пекин университетинин (КЭР) эл аралык мамилелер факультетин саясат боюнча адистигин аяктаган;

2012-2014-жылдары — Тышкы иштер министрлигинин Дипломатиялык академиясын аяктаган.

Эмгек ишмердүүлүгү:

2001-2005-жылдары — Тышкы иштер министрлигинде катчынын жардамчысы;

2005-2009-жылдары Кыргыз Республикасынын Кытайдагы элчилигинин атташеси, консулу;

2009-2010-жылдары Кыргызстандын Соода-өнөр жай палатасынын Пекин шаарындагы өкүлү;

2011-2013-жылдары Тышкы иштер министрлигинин Үрүмчү шаарындагы виза бөлүмүнүн башчысы;

2013-2015-жылдары Жогорку Кеңештин депутаты, Эл аралык иштер боюнча комитеттин төрагасынын коомдук кеңешчиси;

2018-2020-жылдары «Жаңы жибек жолу» ассоциациясынын төрагасы, Айыл чарба, кайра иштетүү өнөр-жай министринин коомдук кеңешчиси.