Биз менен байланышыңыз

Израил өкмөт башчысы Палестинаны мамлекет катары таанууга даярдыгын билдирди

Дүйнө , Кыска кабар | 23 Сен 2022 | 638 | 0

Израилдин өкмөт башчысы Яир Лапид БУУнун Башкы Ассамблеясындагы жарыш сөзүндө Палестинанын өлкө катары таанууга даяр экенин билдирди.

Ал коңшу эки калк ортосундагы чыр-чатактарга чек коюу үчүн Палестинаны өлкө катары таануу боюнча чечимди колдой турганын жарыялады.

«Биз болгону бир шарт коёбуз: болочоктогу Палестина өлкөсү тынчтыкка умтулган өлкө болушу керек», — деген Лапид.

«Палестиналыктар менен эки өлкө, эки эл принцибине негизделген келишим — бул Израил өлкөсүнүн коопсуздугу, экономикасы жана балдарыбыздын келечеги үчүн эң туура жол», — деп кошумчалаган.

Лапиддин БУУдагы бул сөзүн Израилдин мурунку өкмөт башчысы Бинямин Нетаняху кескин сындап чыкты.

«Лапид Израилди палестиналыктар тарабынан казылган орго карай сүйрөп барууда. Лапидге Кфар-Саба, Петах-Тиква жана Нетания чегараларында Палестина өкмөтүн түзүүсүнө жол бербешибиз керек», — деген экс-премьер-министр.

Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM