Бүгүн Кыргызстанда эгемендик майрамы

Бүгүн, 31-август — Кыргызстанда эгемендик майрамы.

1990-жылы октябрь айында Кыргыз ССРнин Жогорку Кеңеши мамлекеттин аталышын Кыргыз Республикасы деп өзгөртүп, 15-декабрда республиканын Эгемендик тууралуу декларациясын кабыл алган. 1991-жылы 31-августта эгемендүүлүк күнү жарыяланган.

Өлкө тарыхындагы өзгөчө мааниге ээ бул майрам эки күн: 30-31-августта белгиленет. Бул күндөр эс алуу күндөр болуп ар түрдүү иш-чаралар уюштурулат.

Бүгүн өлкөнүн баардык айгамында эгемендиктин 31 жылдыгына карата майрамдык иш-чаралар уюштурулууда.

Бүгүн президент Садыр Жапаровдун катышуусундагы салтанаттуу иш-чара Чуңкурчак жайлоосунда өткөрүлөт.