Дональд Трамп өзүнүн социалдык тармагын түзүп, 430 миллион доллар тапты

АКШнын мурдагы президенти Дональд Трамп өзүнүн социалдык тармагын куруп, 430 миллион доллар тапты Анын жыл ичиндеги байлыгы үч миллиард долларга чейин өстү. Бул тууралуу Forbes журналы билдирди.

Трамптын байлыгы 2020-жылдын августунан 2021-жылдын мартына чейин 2,33 миллиард долларга азайган. Буга мурдагы америкалык лидерге таандык кеңселик кыймылсыз мүлктүн баасынын төмөндөшү себеп болгон. Пандемия учурунда көптөгөн кызматкерлер аралыктан иштөөгө өтүп, жумушка келүүсү ыктыярдуу болуп калган.

Буга чейин Трамп Вашингтондун борбордук көчөсүндөгү мейманканасын сатып жатканы маалымдалган. Ал Ак үйдөн 500 метр жана Капитолийден бир чакырым алыстыкта ​​жайгашкан. Имаратты 2012-жылдан бери АКШнын мурдагы президентинин компаниясы иштетип келген.

Белгилүү болгондой, бир жылдык ижара акысы бир нече миллион долларды түзүп, мейманкананы жасалгалоого бир нече жүз миллиондор жумшалган. Трамптын мейманкана бизнеси да коронавирус пандемиясынан улам олуттуу жоготууларга учураган.