Сузак районунда жоголгон кызга издөө салынды

Сузак районунун Күмүш-Азиз айылынын 1994-жылы туулган тургуну Абабакирова Нодиробегим Абабакировна изделип жатканын Жалал-Абад облустук ички иштер башкармалыгы кабарлады.

Маалым болгондой, Абабакирова Нодирабегим ушул жылдын 23-мартында таңкы саат 5:00 чамасында «Мени издебегиле, мени кечиргиле» деген кат жазып, чыгып кеткен боюнча кайтып келген эмес.

Туугандары алгач өз алдынча издеп, табууга мүмкүн болбогон соң, милиция кызматкерлерине кайрылышкан.

Абабакирова Нодирабегим бою 175-180 см чамалуу, узун кара чачтуу, кара көз, акжуумал кыз. Ошол күнү жашыл жоолук салынып, узун кызыл көйнөк, сары камзир, кара тапочкасын кийип кеткен.

Эгер сүрөттөгү кызды бир жерден көргөндөр же ал тууралуу маалымат билгендер болсо, Жалал-Абад облустук же Сузак райондук милициясына кабарлап коюуну өтүнүшөт. Телефон номурлары: 102, (03748) 5 02 09; 0556 84 84 58.