COVID-19: Өлкөдө короновируска каршы 622 адам эмдөөдөн өттү

Кыргызстанда сутка ичинде COVID-19га каршы 622 адам эмдөөдөн өттү. Бул тууралуу Республикалык штабдан билдиришти.

Анын ичинен 368 адам вакцинанын биринчи дозасын, 254 жаран экинчи дозасын алды.

Өлкө боюнча жалпы 1 млн 297 миң 729 адам вакцинанын биринчи компоненти менен, ал эми 1 млн 76 миң 18 жаран экинчи компоненти менен эмделди.

Бустердик дозаны 40 миң 934 адам алды.

Кыргызстанда эмдөө өнөктүгү былтыр март айында башталган.

Учурда өлкө калкы SinoPfarm, «Спутник V», Pfizer, AstraZeneca, Moderna вакциналары менен эмделип жатат.

"Марал радиосу" Телеграмда

"Марал радиосу" Инстаграмда

Жазгүл Садырова

Пикир калтырыңыз

Марал Радиосу