Жоомарт Оторбаев УКМКнын тергөө абагына камалды

«Кумтөр» иши боюнча кармалган мурдагы өкмөт башчы Жоомарт Оторбаев Улуттук коопсуздук мамлекеттик комитеттин тергөө абагына камалды. Чечимди Биринчи май райондук соту чыгарды.

Атайын кызматтын маалыматына караганда, Оторбаев премьер-министр болуп турганда Айлана-чөйрөнү коргоо агенттигинин «Кумтөр» кенинин башкы планы боюнча экспертиза жүргүзө турган комиссиясына кысым көрсөтүп, чет элдик компаниянын кызыкчылыгы үчүн Лысый жана Давыдов мөңгүлөрүн жок кылууга макулдук берген.