16-сентябрда жеңилдетилген ипотека бериле баштайт

«Менин үйүм-2021-2026» программасынын алкагында мамлекеттик жеңилдетилген ипотекаларды берүү 16-сентябрда башталат. Бул тууралуу Мамлекеттик ипотекалык компания (МИК) билдирди.

МИК ААКы электрондук порталга катталган бардык жарандардан арыздын толуктугун жана тууралыгын текшерүүнү суранат – https://portal.gik.kg.  Инструкция шилтеме боюнча: https://clck.ru/XJryj

«Менин үйүм-2021-2026» программасынын алкагында ипотека 4 багыт боюнча берилет:

1. Бюджеттик сектордун кызматкерлери үчүн «Даяр турак жай сатып алуу» жеңилдетилген ипотекасы:

• жылдык пайыз — 4%;
• баштапкы төлөм  – 10% (баштапкы төлөм жок болгон учурда кошумча күрөө талап кылынышы мүмкүн);
• кредиттин мөөнөтү  – 15 жылдан 25 жылга чейин (кардардын төлөө мүмкүнчүлүгүнө жараша);
• ипотекалык насыянын эң жогорку суммасы – 4 млн сомго чейин.

2. «Жеке турак жай куруу»:

• курулуш жүрүп жаткан убакта жылдык 8% жана курулуш аяктагандан кийин жылдык 4%;
• баштапкы төлөм  – 20%дан жогору;
• кредиттин мөөнөтү  – 15 жылдан 25 жылга чейин;
• ипотекалык насыянын эң жогорку суммасы  – 4 млн сомго чейин.

Бардык жарандар үчүн «Жеткиликтүү ипотека» (Бишкек, Ош шаарларында гана берилет):

3. «Даяр турак жай сатып алуу»:

• жылдык пайыз — 8%;
• баштапкы төлөм — 20% (баштапкы төлөм жок болгон учурда кошумча күрөө талап кылынышы мүмкүн);
• кредиттин мөөнөтү — 15 жылдан 25 жылга чейин (кардардын төлөө мүмкүнчүлүгүнө жараша);
• ипотекалык насыянын эң жогорку суммасы — 5 млн сомго чейин.

4. «Жеке турак жай куруу»:

• курулуш мезгили үчүн жылдык 12% жана курулуш аяктагандан кийин жылдык 8%дык чен;
• баштапкы төлөм — 20%;
• кредиттин мөөнөтү — 15 жылдан 25 жылга чейин;
• ипотекалык насыянын эң жогорку суммасы — 5 млн сомго чейин.

Эки багыт боюнча сатып алынган турак жайларга болгон талаптар:

• көп кабаттуу үйдөгү батирлердин жалпы аянты 80 чарчы метрден ашпоого тийиш;
• жер үйлөрдүн жалпы аянты 150 чарчы метрден ашпоого тийиш;
• турак жайдын бир чарчы метринин баасы 60 000 сомдон ашпашы керек.