Триатлончу Айваз Оморканов Түркиядан алтын медаль алды

Триатлет Айваз Оморканов «IRONMAN-70.3 Turkey» эл аралык турниринде алтын медалга ээ болду. Бул туралуу Жаштар иштери, дене тарбия жана спорт агенттиги расмий сайтына жарыялады.

1-ноябрда Түркиянын Белек шаарында эл аралык «IRONMAN-70.3 Turkey» турнири болуп өттү.

Кыргызстандык спортчу Айваз Оморканов бардык аралыкты 4 саат 9 мүнөт 39 секундда басып өтүп, өзүнүн жаш курагы боюнча жеңүүчү аталды.

Триатлет жарым аралыкка чуркоо боюнча жаңы улуттук рекорд койду.

Белгилей кетсек, катышуучулар 1,9 километрди сууда сүзүп, 90 километрди велосипед тээп, 21,1 километрди чуркап өтүшү керек болчу.