Узарбек Жылкыбаев шайлоого «Республика» партиясы менен барат

Узарбек Жылкыбаев «Республика» партиясынын тизмеси менен шайлоого барат. Бул тууралуу ал партиянын жаштар канаты менен менен жолугушуу учурунда расмий жарыялады.

Узарбек Жылкыбаев Өкмөттүн Ош облусундагы ыйгарым укуктуу өкүлү кызматынан 8-августта кетти. Ал бул жылы өтүүчү парламенттик шайлоого катышарын билдирген.

Узарбек Жылкыбаев өкмөттүн Ош облусундагы өкүлү болуп 2018-жылдын 25-июлунда дайындалган. Ал ага чейин өкмөттүн Ысык-Көл облусундагы өкүлү кызматын жетектеп келе жаткан. Кийин президенттин аймактык ротациялоо саясатына байланыштуу Ош облусуна которулган.

Жылкыбаев 2016-жылдын октябрында КСДП партиясынын тизмеси менен парламентке депутат болгон.