Биз менен байланышыңыз

Статистикалык комитеттин төрагасынын орун басары каза болду

Кыска кабар | 6 Авг 2020 | 955 | 0

Улуттук статистикалык комитетинин төрага орун басары Кошой Исалиев 63 жаш курагында эки тараптуу пневмониядан каза болду. Бул тууралуу мекеменин маалымат кызматы кабарлады.

Кошой Исалиев статистика органдарында 1999-жылдан бери иштеген. 2013-жылы Улуттук статистикалык комитеттин Башкы эсептөө борборунун башчысы болуп дайындалган, 2014-жылы Бишкек шаардык башкармалыгын жетектеген.

Кошой Исалиев 2019-жылдын февраль айында Улуттук статистикалык комитетинин төрагасынын орун басары болуп дайындалган. Ал республиканын аймагында 2020-жылы белгиленген эл жана турак-жайды каттоо тармагын көзөмөлдөп, даярдык иштерине чоң салымын кошкон.

Улуттук статистика комитетинин эмгек жамааты маркумдун жакындарына терең кайгыруу менен көңүл айтат.

Улуттук статистикалык комитет — республиканын социалдык, экономикалык, демографиялык жана экологиялык абалы жөнүндө керектүү маалыматтарды берген мекеме.

Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM