Жайкы Азия оюндарынын катышуучулары сыйланат

Президент Сооронбай Жээнбеков XVIII Азия оюндарынын катышуучулары жана алардын машыктыруучуларын «Кыргыз Республикасынын мамлекеттик сыйлыктары менен  сыйлоо жөнүндө» Жарлыкка кол койду.

Жарлыкка ылайык «Даңк» медалы менен:

Төрөкан Багынбай уулу — джиу-джитсу боюнча улуттук курама команданын мүчөсү;

Каныбек Жолчубеков — грек-рим күрөшү боюнча улуттук кураманын мүчөсү;

Дарья Маслова — жеңил атлетика боюнча улуттук кураманын мүчөсү;

Магомед Мусаев — эркин күрөш боюнча улуттук кураманын мүчөсү;

Айсулуу Тыныбекова — аялдар күрөшү боюнча улуттук кураманын  мүчөсү.

Мындан тышкары, «Кыргыз Республикасынын эмгек сиңирген врачы» ардактуу наамы:

Бишкек шаарынын Медициналык-консультативдик кызмат көрсөтүү жана спорттук медицина борборунун спорттук медицина бөлүмүнүн функционалдык диагностика дарыгери Бактыкуль Алишевага;

Ошондой эле «Кыргыз Республикасынын дене тарбиясына жана спортуна эмгек сиңирген кызматкер» ардактуу наамы:

Жаштар иштери, дене-тарбия жана спорт боюнча мамлекеттик агенттигинин директорунун орун басары Канатбек Арпачиевге;

Ш. Сыдыков атындагы Олимпиадалык резервдеги республикалык окуу жайынын грек-рим күрөшү боюнча окутуучу-машыктыруучусу Ахметов Мейрамбекке;

Аталган агенттиктин алдындагы Спорттун олимпиадалык түрлөрү боюнча дирекциясынын аялдар күрөшү боюнча Кыргыз Республикасынын улуттук курама командасынын башкы машыктыруучусу Нурбек Изабековго;

Агенттиктин Ош облустук жаштар иштери, дене тарбия жана спорт башкармалыгынын начальниги Токтосун Камчыбековго;

Ш. Сыдыков атындагы Олимпиадалык резервдеги республикалык окуу жайынын грек-рим күрөшү боюнча окутуучу-машыктыруучусу Ратбек Мамбетовго берилет.

Кыргыз Республикасынын Ардак грамотасы менен:

Бишкек шаарынын Биринчи май районунун С. Жуманазаров атындагы Олимпиадалык резервдеги адистештирилген балдар-өспүрүмдөр мектебинин жеңил атлетика боюнча окутуучу-машыктыруучусу Татьяна Борисова;

Спорттун олимпиадалык түрлөрү боюнча дирекциянын бокс боюнча улуттук курама командасынын башкы машыктыруучусу Данияр Жусубалиев;

Бишкек шаарынын Медициналык-консультативдик кызмат көрсөтүү жана спорттук медицина борборунун улук массажисти Константин Еремич;

Грек-рим күрөшү боюнча улуттук курама команданын мүчөсү Акжол Махмудов;

Жеңил атлетика боюнча улуттук кураманын башкы машыктыруучусу Сатыбек Чокаев;

Спорттун олимпиадалык түрлөрү боюнча дирекциянын директору Жоомарт Шамканов;

Грек-рим күрөшү боюнча Кыргыз Республикасынын улуттук курама командасынын башкы машыктыруучусу Азат Эркимбаев сыйланышат.