Улуттук илимдер академиясынын мурдагы кызматкери сот залынан бошотулду

Бишкектин Биринчи Май райондук соту Улуттук илимдер академиясынын мурдагы кызматкери Жоомарт Карабаевди эч жакка чыкпоо тил каты менен сот залынан бошотту.

Сот отуруму 31-октябрда өттү. Жоомарт Карабаев соттун чечими туура болгонун, бийликти күч менен басып алууга, элди массалык башаламандыкка чакырбаганын айтты.

«Алдыдагы соттук териштирүүдө да мыйзамдуу чечим чыгарат деп ишенем», — деди Жоомарт Карабаев журналисттерге.

Быйыл 2-июлда Улуттук илимдер академиясынын мурдагы кызматкери Жоомарт Карабаевдин кармалганы белгилүү болгон. Ал Кылмыш-жаза кодексинин «Массалык баш аламандыктар» беренеси менен айыпталган.

Карабаевдин камакка алынышына анын социалдык тармактардагы билдирүүлөрү себеп болгон.

Жазуучу Олжабай Шакирдин иши боюнча буга чейин көрсөтмө берген.