23-августка карата аба ырайы тууралуу маалымат

Кыргызгидрометтин билдиришинче, 23-августта түнкүсүн Ысык-Көл облусунун айрым жерлеринде, Ош, Баткен облустарынын тоолуу райондорунда мезгил-мезгили менен жаан жаап, күн күркүрөйт. Ош, Баткен облустарынын дыйканчылык аймактарында жана Чүй, Талас, Жалал-Абад, Нарын облустарында жаан-чачын күтүлбөйт.

Күндүз Ысык-Көл, Нарын облустарынын көпчүлүк аймактарында, Чүй, Ош, Жалал-Абад облустарынын тоо этектеринде жана тоолуу райондорунда, Талас, Баткен облустарынын тоолуу райондорунда мезгил-мезгили менен жаан жаап, күн күркүрөйт. Чүй, Ош, Жалал-Абад облустарынын өрөөндөрүндө, Талас, Баткен облустарынын дыйканчылык аймактарында жаан-чачын болбойт.

Батыштан соккон шамалдын ылдамдыгы секундасына 4-9 метрден айрым жерлерде күндүз 15-20 метрге чейин жетет.

Абанын температурасы:

Чүй облусу түнкүсүн +14… + 19, күндүз +29… + 34,

Талас облусу түнкүсүн +9… + 14, күндүз +24 … +29,

Баткен, Ош, Жалал-Абад облустары түнкүсүн +15… + 20, күндүз +29… + 34,

Ысык-Көл облусу түнкүсүн +11… + 16, күндүз +21…+26,

Нарын облусу түнкүсүн +8… + 13, күндүз + 22 … +27.

Бишкекте жаан-чачын болбойт. Абанын температурасы түнкүсүн +16…+18, күндүз +31…+33 градус болот.