Автобекеттеги коомдук транспорттор текшерилди

Автобекеттеги коомдук транспорттор текшерилип, 99 миң сомго айып салынды. Бул тууралуу Жол кыймылынын коопсуздугун камсыздоо башкы башкармалыгынан билдиришти.

Маалыматка ылайык, ЖКККББнын техникалык көзөмөлдөө бөлүмү «Коомдук транспорт» аталышындагы рейддик иш-чара өткөрдү. Анын алкагында алыскы аймактарга каттаган коомдук транспорттордун техникалык абалы текшерилип, бир жуманын ичинде 19 жол эрежесин бузуу фактысы аныкталды.

Алардын ичинен:

— 6 айдоочуга коомдук транспорттун техникалык жактан оң абалда эместиги үчүн, 3 миң 300 сомго айып салышты;
— 6 айдоочуга техникалык кароодон өтпөгөндүгү үчүн 18 миң сомго айып салышты;
— 1 фирманын жетекчисине техникалык оң эмес авто унааны каттамга чыгаргандыгы үчүн, 28 миң сомго айып салышты;
— 1 айдоочуга таптакыр айдоого укугу жол болуп туруп, унаа башкарып жүргөндүгү үчүн 15 миң сомго айып салышты;
— 5 айдоочуга туура эмес жерге токтогондугу үчүн, 5 миң сомго айып салышты.

ЖКККББ азыркы учурда «Коомдук транспорт» аталышындагы рейддик иш-чара өтүп жаткандыктан, бардык жүргүнчүлөрдү ташыган маршруттук унаалар текшерилерин эскертет.