Башкы прокурордун биринчи орун басары алмашты

Абай Молдокматов Башкы прокурордун биринчи орун басары кызматынан бошотулду. Тийиштүү тескемеге президент Садыр Жапаров кол койду.

Анын ордуна Улукбек Султанов Башкы прокурордун биринчи орун басары болуп дайындалды.

Жалал-Абад облусунун Сузак районунда ички иштер органдарынын кызматкерлеринин кармалышына байланыштуу облустун укук коргоо жана көзөмөл органдарынын өзүнө жүктөлгөн милдеттердин талаптагыдай аткарылышын иликтөө үчүн жумушчу топ түзүлгөн. Текшерүүнүн жыйынтыгында прокуратура органдарынын айрым жетекчилери тарабынан мыйзам талаптарын бузуу, тергөө жана ыкчам-издөө иш-чараларына талаптагыдай эмес көзөмөлдүк кылуу фактылары аныкталган.

Буга байланыштуу, президенттин администрациясы төмөнкүлөрдү ээлеген кызматынан бошотуу жөнүндө сунуш киргизди:

— Башкы прокурордун биринчи орун басары А.Молдокматов;

— Жалал-Абад облусунун прокурору А.Киязов;

— Жалал-Абад облусунун прокурорунун орун басары З.Тойчубаев;

— Жалал-Абад облусунун Сузак районунун прокурору Б.Сыдыгалиев;

— Жалал-Абад облусунун Сузак районунун прокурорунун орун басары Т.Кенжебаев.