Азия чемпионатында Кыргызстандын грек-рим күрөшчүлөрү 3-орунду ээледи

Монголияда өткөн күрөш боюнча Азия чемпионатында Кыргызстандын грек-рим күрөшү боюнча курама командасы 3-орунду ээледи.

19-20-апрель күндөрү грек-рим күрөшү боюнча беттештер өтүп, анда 10 комплект медаль ойнотулду.

Кыргызстан курама командасы 3 алтын жана 3 коло — жалпы 6 медаль утту. Муну менен командалык эсепте 148 упай топтоп, 12 өлкөнүн ичинен 3-орун алышты.

Ал эми 1-орунду Казакстан (2 алтын, 5 күмүш, 2 коло — жалпы 9 медаль), 2-орунду Иран (4 алтын, 1 күмүш, 2 коло — жалпы 7 медаль) ээледи.

Алтын медалдарды Иран (4), Кыргызстан (3), Казакстан (2), Япония (1) мамлекеттери алып кетти.

"Марал радиосу" Телеграмда

"Марал радиосу" Инстаграмда

Жазгүл Садырова

Пикир калтырыңыз

Марал Радиосу