Сот мындай чечимин Трамптын 2021-жылдын 6-январындагы окуяга катыштыгы менен негиздеди. Анда анын тарапташтары Жо Байден жеңишке жеткен шайлоонун жыйынтыгын тастыктоону үзгүлтүккө учуратуу максатында Конгресстин имаратына чабуул жасашкан.
Буга чейин эки штатта Дональд Трампты шайлоодон четтетүү аракети жергиликтүү соттор тарабынан четке кагылган. Колорадо штатынын сотунун чечимин өлкөнүн Жогорку соту жокко чыгарбаса, Трамптын башка штаттардагы каршылаштары анын ысымын шайлоо бюллетенине киргизбөө мүмкүнчүлүгүнө ээ болушат.
Дональд Трампка каршы ушундай эле доо арызды Мичиган штатынын Жогорку соту да карап жатат.
