Биз менен байланышыңыз

Бүгүн Равшан Жээнбековдун жардамчысы Кудайбердиеванын соту болот

Кыска кабар | 14 Фев 2022 | 420 | 0

Саясатчы Равшан Жээнбековдун жардамчысы, жарандык активист Айсулуу Кудайбердиевага 2019-жылы «чек арадан мыйзамсыз өткөн» деген кине менен кылмыш иши козголгон. Бүгүн, 14-февралда, саат 14:30да Биринчи Май райондук сотунда аны кылмыш жоопкерчилигине тартуу боюнча биринчи отурум болот.

Адам укугу боюнча Европа институтунун студенти Айсулуу Кудайбердиева козголгон ишти куугунтук катары баалап, саясатчы Равшан Жээнбековдун саясий позициясына байланыштырат.

«Силер баарыңар жакшы билгендей эле мен да көптөгөн журналисттер, жарандык активисттер жана саясатчылар сыяктуу эле Равшан Жээнбековдун саясий иштерине жардам бергеним үчүн УКМК тарабынан бир нече ай бою басымга, куугунтукка дуушар болуп келем. Эми ал жактагы куугунтукту бүтүрүшүп, менин ишимди сотко өткөрүштү. Жакында эле оппозициячыл саясатчы Равшан Жээнбековду бийлик түрмөдөн чыгарды, бирок анын жакындары: карындаштары жана мен жасалма кылмыш иштерине тартылуудабыз. Карындашы, Мира Джеенбекова УКМК тарабынан «104 квартирага» күнөөлөнгөн. Бирок 104 квартираны таба алышпады. Бүгүнкү күндө айлалары кетип, 4 сотых жер боюнча кылмыш ишин улантышууда», — деп жазган Кудайбердиева .

2021-жылдын 27-декабрында саясатчы Равшан Жээнбеков абактан бошотулган. Ал Кой-Таш окуясына байланыштуу айыпталып, 2021-жылдын август айында экинчи жолу камакка алынган.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM