Түркия Айя-София мечитин калыбына келтирүүдө дүйнөгө үлгү боло алат
Стамбулдагы Айя-София мечитин оңдоп-түзөө иштеринде бүткүл дүйнөгө үлгү боло турган модель колдонулат. Бул тууралуу «Анадолу» агенттигине Стамбул маданият жана туризм башкармалыгы Жошкун Йылмаз билдирген.
«Мечитти оңдоо иштеринин максаты — 1500 жылдык тарыхы бар архитектуралык курулуштун тарыхын жана маданий мурасын сактоо. Айя-Софияны калыбына келтирүү ишинде жогорку деңгээлдеги кесиптик чеберчилик жана тажрыйба колдонулат. Түркия дүйнөгө маданий мурастарды сактоонун үлгүсүн көрсөттү. Бул биздин илгертен бери келе жаткан салт», — деди Йылмаз.
Ошондой эле мечитти калыбына келтирүү ишине президент Реджеп Тайип Эрдоган өзгөчө көңүл бурарын кошумчалады.
Айя-София мечити 916-жылдан бери дүйнөдөгү эң чоң ибадаткана деп эсептелген. 1453-жылы Султан Мехмет II басып алгандан кийин, Осмон мамлекетинин башкы мечити болуп калган. Мечит кылымдар бою Византия империясынын борборун басып алуунун символу деп айтылып калган. 1985-жылы Айя-София ЮНЕСКОнун бүткүл дүйнөлүк мурастарынын тизмесине киргизилген.
Бишкектин райондорунун аталышын өзгөртүү маселеси көтөрүлдү
Темирлан Султанбеков абакта ачкачылык кармоону улантууда
Төө-Ашуудагы тоннель бир тарапка маал-маалы менен жабылат
Аба ырайы: Аймактарда жаан жаайт
Tunduk тиркемесине калкты тейлөө борборлорунун кызматтары бириктирилип, кошулду
Токтогул ГЭСнин №1 гидроагрегаты ишке кирди
Бишкектин райондорунун аталышын өзгөртүү маселеси көтөрүлдү
Темирлан Султанбеков абакта ачкачылык кармоону улантууда
Кыргызстан — Иран оюну. Бишкектин айрым көчөлөрү жабылат
