ӨКМ: Тоолуу райондорго кар көчкү түшүү коркунучу бар

10-марттан 15-мартка чейин күтүлүп жаткан жаан-чачынга байланыштуу Кыргызстандын тоолуу райондорунда кар көчкү түшүү коркунучу бар.

-Бишкек-Ош унаа жолундагы Төө-Ашуу ашуусуда, Ала-Бел ашуусунда, Чычкан капчыгайында;

-Суусамыр-Талас-Тараз унаа жолунун Өтмөк ашуусунда;

-Мырза-Аке-Кара-Кулжа-Алайкуу унаа жолунун 74-115-чакырымдарында;

-Ала-Бука-Жаңы-Базар-Кировка унаа жолунун Чапчыма ашуусунда;

-Красная Горка-Ак-Таш унаа жолунун 1-4-чакырымдарында;

-Ош-Сары-Таш унаа жолунун Талдык жана Катын-Арт ашууларында;

-Сары-Таш-Дароот-Коргон-Карамык унаа жолунун 98-136-чакырымдарында;

-Казарман-Актал-Чат унаа жолунун Ийри-Суу тилкесинде, Кара-Гөө ашуусунда кар көчкү түшүүсү мүмкүн.

Жолдор тайгак болуп муз тоңот. Унаалардын ортосундагы 500 метр аралык кыймыл чектелиши зарыл.