Бактияр Алиев КТРКнын башкы директору болуп шайланды

Коомдук телерадио берүү корпорациясынын башкы директору кызматына Бактияр Алиев бекитилди. Бүгүн, 30-декабрда КТРКнын Байкоочу кеңеши талапкерлердин программалары менен таанышты.

Буга чейин директор болууга 15 талапкер арыз берген. Анын экөө — Кадыр Кошалиев менен Дүйшөналы Мамбетөмүров талапкерлигин алып салган. Бүгүн 13 талапкердин программалары угулуп, ар бири менен маектешүү болду.

18-ноябрь күнү КТРКнын башкы директору кызматына талапкерлердин документтери салынган конверттер ачылган.

Коомдук каналдын жетекчилигине ат салышкан талапкерлер:

• Бактияр Алиев
• Сураган Босумбаев
• Сталбек Дюшалиев
• Замир Казакбаев
• Үсөн Көлбаев
• Эрнис Кыязов
• Шайырбек Мукарамов
• Ырыс Окенова
• Абдыкадыр Султанбаев
• Калыбек Тайтекеев
• Болотбек Тиллебаев
• Алим Токторов
• Айбек Турдалиев

КТРКнын башкы директору кызматына сынак 29-октябрда жарыяланган.

5-6-октябрдагы башаламандыктардан кийин КТРКнын мурдагы директору Жайнак Усен уулу өз арызы менен кызматтан кетип, 14-октябрда Бактияр Алиев КТРКнын Байкоочу кеңеши тарабынан башкы директордун милдетин аткаруучу болуп шайланган. Ага чейин ал Республикалык телерадио борборунун директору кызматын аркалап турган.