Мэрия: Кафе-ресторандардын иштөө мөөнөтү узартылды

Бишкекте карантиндик чектөөлөр жеңилдетилип, 20-августтан тарта коомдук транспорттордун иш убактысы узартылат. Бул тууралуу мэриядан кабарлашты.

Эми коомдук транспорттор (автобус, троллейбус, маршруткалар) дем алыш күндөрү жана майрам күндөрү да ишин жандантат.

Ал эми кафе, ресторандар жана башка тамактануу жайларга эртең мененки саат 07:00дөн түнкү 00:00гө чейин иштегенге уруксат берилди.

Супермаркет, соода борбор, соода үйлөрү, комплекстери, дүкөндөр тармагы мурункудай эле эртең мененки саат 07:00дөн түнкү 00:00гө чейин иштешет.

Сейил бактарда сейилдөөгө киргизилген чектөөлөр алынып, велосипеддерди киреге берүү ишмердүүлүгүнө уруксат берилди.

Ошол эле учурда тойкана жана көңүл ачуучу жайлардын (түнкү клуб, бар, караоке-клуб ж.б.) иштөөсүнө уруксат бериле элек.