Биз менен байланышыңыз

ТИМ: Генерал Навжувоновдун айткандарына расмий Душанбе түшүндүрмө берсин

Кыска кабар | 15 Фев 2020 | 213 | 0

Кыргызстандын Тышкы иштер министрлигине Тажикстандын Кыргызстандагы элчиси Назирмад Ализода чакыртылды. Бул тууралуу министрлик билдирет.

Кыргыз бийлиги Тажикстандын Согди облусундагы ички иштер башкармалыгынын жетекчиси генерал Абдулло Навжувоновдун чек ара тууралуу айткан сөзүнө кескин тынчсыздануусун билдирген.

Тышкы иштер министрлиги 13-февралда Тажикстандын айрым массалык маалымат каражаттарында жана Интернетте тараган маалыматтарда милициянын генерал-майору Абдулло Навжувонов “Баткен эч качан кыргыздын жери болгон эмес” деп жалган айтып, тарыхты бурмалаган деп эсептейт.

Кыргызстандын тышкы саясат мекемеси жогорку кызматтагы жана күч органдарынын өкүлү чагымчыл аракеттердин ордуна мындай көрүнүштөрдү жөнгө салышы керектигин баса белгилеген. Кыргыз тарап бул айтылган сөз боюнча расмий Дүйшөмбүнүн реакциясын күтөрүн жана мындай фактылар кайталанбайт деп ишенерин билдирген.

Copyright © 2017 Maral FM