Парижде өтүп жаткан Олимпиаданын алкагында кыз-келиндер арасындагы күрөштө Айпери Медет кызы жарым финалда атаандашына утулуп калды.
Ал америкалык балбан кыз Кеннеди Алексис Блейдстке 6:8 эсебинде жеңилди.
Медет кызы чейрек финалда индиялык балбан кыз Ритика менен күрөшүп, 1:1 эсебинде жыйынтыктаган. Соңку упайды Айпери Медет кызы алганы үчүн ал жеңишке жеткен.
76 кг чейинки салмак категориясында, 1/8 финалдын алкагында кытайлык Ван Цзюань менен күрөшүп, аны 4:1 эсебинде жеңген.
Айпери Медет кызы Олимпиада оюндарына экинчи ирет катышууда. Токио-2020 Олимпиадасында ал 5-орунду ээлеген.