Элдар Абакиров менен Айсулуу Мамашова депутаттык мандат алышты

Экономика министринин мурдагы орун басары Элдар Абакиров Жогорку Кеңештеги “Альянс” фракциясынын депутаты болуп катталды. Мындай чечим Борбордук шайлоо комиссиясынын 2-февралдагы отурумунда кабыл алынды.

Муну менен катар Айсулуу Мамашова да «Альянстан» Жогорку Кеңештин депутаты болуп каттады. Аларга тиешелүү документтер – күбөлүк жана депутаттык төш белги берилди.

Айсулуу Мамашова Жогорку Кеңештин 6-чакырылышында “Ата Мекен” партиясынан депутат болгон.

Элдар Абакиров Жогорку Кеңешке Фарходбек Алимжановдун ордуна келди. Жогорку Сот быйыл январда Алимжановдун мандатынан ажыраткан чечимди күчүндө калтырган.