Түркмөн бийлиги экономикасын чыңдап алуу максатында жакынкы үч жылдын ичинде өлкөнүн Илимдер академиясын каржылоону толук токтотот. Бул тууралуу сentralasian.org жазды.
Ага ылайык, эми өлкөдөгү 26 илимий-изилдөө институт, анын ичинде Улуттук сейсмология кызматы мамлекеттин колдоосу жок калат. Мындан тышкары Илимдер академиясынын курамына өлкөнүн Жогорку аттестациялык комиссиясы, 18 жогорку мектеп, 2 медициналык изилдөө борбору, 1 китепкана жана 2 басмакана кирет.
Буга чейин Илимдер академиясы өлкөнү маркум президент Сапармурад Ниязов башкарып турганда 1998-жылы бир жолу жоюлган. 2009-жылы Гурбангулы Бердымухаммедовдун жарлыгы менен кайра толук калыбына келтирилген.
Бердымухаммедов табигый газга бай бул өлкөнү мурдагы президент Сапармурд Ниязов каза болгон 2006-жылдын декабрынан бери башкарып келет.
