УКМК: Лабораториялар анализ алуу бааларын бир кыйла төмөндөтөт

Улуттук коопсуздук мамлекеттик комитети медициналык лабораториялардагы баа саясатын жөнгө салуу боюнча жеке менчик мекемелер менен жолугушуулар өткөнүн кабарлады.

Сүйлөшүүлөрдүн натыйжасында «Интелмед» (Бонецкийдин лабораториясы), «Аквалаб», «Евролаб», «Гемотест», «Экспресс-Плюс», «Медикана», «Лазмед» клиникасы, «Гуман», «Интер-Лаб» (Инвитро), «Интермедикал», «Фарватер» ири компаниялары анализ алуу бааларын 30%га арзандатууга макул болушкан.

Ал эми реагенттерди жеткирүүчүлөр «Юни-Хелп», «Лаб-Сервис», «Көкөмерен», «Юрфа», «Эль-Фарм», «Медикс-Элес», «Медцентр.кж», «Би-Хелс-Фарм», «Эрай-Фарм», «Фарватер», «Мээр-Чөп», «Мирамед жана Ко», «БиЛайв», «Медитэк», «Меди-Прогресс», «Дайра-Фарм» сыяктуу бир катар ЖЧКлар бааларын 15% га чейин төмөндөткөн.

Мындан тышкары Юрфа ЖЧКнын жетекчилиги томографиясынан өтүү кызматын 20%га арзандаткан. Мындай чаралар калган жеке менчик медициналык мекемелер менен да жүргүзүлөрү кабарланды.

Аны менен катар «Интелмед» (Бонецкий) ЖЧКсы менен мамлекеттик медициналык мекемелердин дарыгерлери жолдомо берип жөнөткөн бейтаптардын анализ тапшыруусун 50%га чейин арзандатуу макулдашылган.