Connect with us

Кара-Балтада 15 гектар жер тилкеси мамлекетке кайтарылды

Кыска кабар | 12 Дек 2024 | 159 | 0

Кара-Балта шаарынын аймагындагы 15 гектар жер тилкеси мамлекеттин менчигине кайтарылды. Бул тууралуу Улуттук коопсуздук мамлекеттик комитетинен билдиришти.

УКМК тарабынан жүргүзүлүп жаткан иш-чаралардын натыйжасында Кара-Балта шаарындагы көрүстөн үчүн бөлүнгөн, аянты 15 га жер тилкеси мамлекеттин балансына кайтарылды.

Алынган маалыматтар боюнча 2007-жылы айрым кызмат адамдары жер тилкесин жеке адамга мыйзамсыз чыгарып кетүүгө көмөк көрсөтүшкөн.

Көрүлгөн чаралардын натыйжасында белгиленген жер тилкеси соттун чечими менен Кара-Балта шаарынын мэриясынын балансына өткөрүлүп берилди.

УКМК мыйзамсыз менчиктештирилген өнөр жай жана социалдык объектилерди аныктоо жана мамлекетке кайтаруу иштерин улантууда.

Advertisement
Пикир калтырыңыз

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM