Якутияда -60 градус суук. Орусияда чыкыроон күчүнө кирди

Жакынкы күндөрү суук Якутияда -60 градуска чейин, Иркутск облусунда -58 градуска чейин, Красноярск аймагында -55 градуска чейин чыгат. Бул тууралуу Орусия Гидрометеорологиялык борборунун илимий жетекчиси Роман Вильфанд билдирди.

Гидрометеорологиялык борбордун божомолуна ылайык, 13-14-январда Якутиянын айрым аймактарында температура -58ден — 63 градуска чейин төмөндөйт.

12-январдан 14-январь аралыгында Красноярск аймагында -52 градустан -55 градуска чейин ызгаар болору болжолдонууда. Оренбург жана Пенза облустарында -26 градустан -30 градус, Саратов облусунда -22 градуска чейин суук күтүлөт.

Катуу суук жакынкы беш күндүн ичинде Якутия сакталып калат, ал эми Иркутск облусунда, Түндүк райондордо, температура -58 градуска чейин төмөндөйт. Жакынкы эки күндө Оренбург, Пенза, Саратов аймактарында температура нормадан тогуз градуска төмөн же андан жогору болушу болжолдонууда.

Өткөн жуманын аягында Россиянын көптөгөн аймактарында аномалдуу үшүк жүрдү. Тольятти -28,5 градус, 1974 жана 1979-жылдары белгиленген абсолюттук минимумдан төмөн болгон. Орусиянын Гидрометеорологиялык борборунда үшүк жакында «Атлантикадан жылуу аба массаларын»алмаштыра турган антициклондон улам башталганын айтышкан.