Хорватия курама командасы Катарда өтүп жаткан футбол боюнча дүйнө чемпионатында Япония курамасын утуп, чейрек финалга чыкты. Беттеш 6-декабрга караган түнү Эль-Вакрадагы «Эль-Жануб» стадионунда өттү.
Оюндун 43-мүнөтүндө биринчи голду япониялык чабуулчу Дайзен Маэда киргизсе, 55-мүнөттө хорватиялык чабуулчу Иван Перишич эсепти теңеди.
Кошумча убакытта жеңүүчүнү аныктоо мүмкүн болгон жок. Пенальтилер сериясында хорваттар жеңишти камсыздады.
9-декабрда чейрек финалда Хорватия Бразилия — Түштүк Корея беттешинин жеңүүчүсү менен оюн өткөрөт.
Буга чейин Англия, Голландия, Аргентина жана Франция чейрек финалга чыгышкан.
Футбол: Англия Сенегалды 3:0 эсебинде утуп, чейрек финалга өттү