Грек-рим күрөшү боюнча дүйнө чемпиону, кыргызстандык балбан Жоламан Шаршенбеков Бириккен күрөш дүйнөсүнүн рейтингинин сап башына чыкты. Бул тууралуу аталган уюмдун сайтына жарыяланды.
Жоламан Шаршенбеков быйыл алты турнирге катышып, 6 медалга ээ болгон. Жыйынтыгында ал 55 миң упай топтоп, 60 кг салмакка чейинки UWW рейтингинде 1-орунду ээледи.
Быйыл 10-18-сентябрда Сербиянын Белград шаарында күрөш боюнча дүйнө чемпионаты өткөн. Анда Жоламан Шаршенбеков менен Акжол Махмудов грек-рим күрөшү боюнча дүйнө чемпиону болушкан. Бул мелдештен кийин дүйнөлүк рейтинг жаңыланган.
