Кечээ, 30-июнда Ат-Башы районунда изделип жаткан адамдын сөөгү табылды. Бул тууралуу Өзгөчө кырдаалдар министрлигинин басма сөз кызматы билдирди.
28-июнь күнү 1972-жылы туулган И.К. Ат-Башы районунун Жаңы-Жер жайлоосунан мал издеп чыгып, кечинде аты келип, өзү келбей калган.
Кечээ, 30-июнда ӨКМдин Ат-Башы райондук бөлүмүнөн 5 куткаруучу, ИИМден 10 кызматкер, жергиликтүү тургундардан 10 адам издеп, жоголгон адамдын сөөгү Таш-Тумшук тилкесинен, Ат-Башы суусунун жээгинен табышкан.