Башкы прокурордун милдетин убактылуу аткаруу Абай Молдокматовго жүктөлдү. Тиешелүү жарлыкка президент Садыр Жапаров кол койду.
Абай Молдокматов 1976-жылы 19-февралда Ысык-Көл облусунун борбору Каракол шаарында туулган.
2020-2021-жылдары башкы прокурордун орун басары кызматына дайындалган. 2021-жылдын 12-августунан бери биринчи орун басары кызматын аркалап келет.
Айта кетсек, бүгүн, 4-июнда президент Садыр Жапаров кол койгон тескеменин негизинде саламаттыкты сактоо министри Алымкадыр Бейшеналиев менен башкы прокурор Курманкул Зулушев кызматынан убактылуу четтетилген.
Башкы прокурор Курманкул Зулушев кызматынан убактылуу четтетилди