Connect with us

Лондондогу кинофестивалда Кыргызстандын тасмасы эң мыкты деп табылды

Кыска кабар | 27 Май 2022 | 377 | 0

19-майдан 25-майына чейин Лондондо Евразия кинофестивалы менен Ромфорд кинофестивалын бириктирген масштабдуу төртүнчү кинофестиваль өттү. Бул тууралуу Тышкы иштер министрлигинин басма сөз кызматы билдирди.

Фестивалда даректүү, көркөм жана кыска метраждуу тасмалар, ошондой эле анимация категориялары боюнча 50дөн ашык фильм көрсөтүлдү.

Анда кыргызстандык режиссер Тынай Ибрагимов тарткан “Саякбай жана Битлз” аттуу кыргыз тасмасы кинофестивалдын “Мыкты даректүү тасма” деген номинациясында жеңүүчү аталды.

Ошондой эле «Көрүүчүлөрдүн тандоосу» аттуу номинациясын кыргызстандык режиссер Виктория Архангельскаянын «Жаңыртуу» деген тасмасы алды.

25-майда сыйлыктарды тапшыруу аземине Кыргызстандын Улуу Британиядагы элчиси Улан Жусупов катышты.

Фестиваль евразиялык кинематографияны англис тилдүү чөйрөдө өнүктүрүүгө арналган.

Advertisement
Пикир калтырыңыз

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM