Франция Украинанын президенти Владимир Зеленскийдин коопсуздугуна кам көрүүгө даяр. Бул тууралуу Франциянын тышкы иштер министри Жан-Ив Ле Дриан билдиргенин ТАСС агенттиги жазды.
«Зеленскийдин коопсуздугу сөзсүз көтөрүлөт. Керек болсо тиешелүү чараларды көрүүгө даярбыз», — деди министр.
Буга чейин 25-февралда Франциянын коргоо министри Флоренс Парли Брюсселде жана Вашингтондо: «Эч ким Орусия менен согушууну каалабайт. Париждин башкы максаты: Украинанын чыгышындагы ок атышууну токтотуу», — деген.
Буга чейин Франциянын президенти Эммануэль Макрон Украинага 1,2 млрд евро өлчөмүндө каржылык жардам жана аскердик техника берерин айткан. Ал ошондой эле украиналык качкындарды калкалоону убада кылган.