Connect with us

Бекназ Алмазбеков «Галатасарайдын» негизги курамында машыга баштады

Кыска кабар , Спорт | 8 Фев 2022 | 561 | 0

Футбол боюнча жаштар курамасынын оюнчусу Бекназ Алмазбеков Түркиянын «Галатасарай» клубунун негизги курамында машыга баштады. Бул маалымат клубдун «Инстаграм» баракчасына жарыяланды.

Бекназ Алмазбеков «Галатасарайдын» маалыматына караганда, жакын арада негизги курамдагы дебютун жасашы мүмкүн. Тагыраак айтканда 12-февралда стамбулдук «Галатасарай» «Кайсериспор» менен беттешет. Бул беттеште кыргызстандык жаш футболчу «Галатасарайдын» негизги курамы менен оюн талаасына чыгаары күтүлүп жатат.

Кыргызстандык Бекназ Алмазбеков бир канча жылдан бери Түркиянын белгилүү «Галатасарай» футболдук клубунунун жаштар курамында машыгып келет. Ал жакында эле клубдун U17  курамы менен оюнга чыгып, катары менен 3 гол киргизген.

Айта кетсек, 2020-жылы Азия Футбол Конфедерациясы Кыргызстандын футболчулары Гүлжигит Алыкулов менен Бекназ Алмазбековду Орто Азиядагы мыкты жаш футболчулардын катарына кошкон.

Advertisement
Пикир калтырыңыз

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM