Кыргызстан менен Тажикстандын чек арасында бир нече мыйзамсыз жүк ташыган жеңил унаалар кармалды

Кыргызстан менен Тажикстан чектешкен аймакта мыйзамсыз жүк ташыган жеңил унаа кармалды. Бул тууралуу УКМКнын Чек ара кызматы билдирди.

Шектүү Баткен облусунун Лейлек районунун Интернационал айылында 1994-жылы туулган Т.М. атту жараны экени белгилүү болду. Чек арачы унааны текшерүү учурунда жез табылган. Айдоочунун жүккө тиешелүү документтери болгон эмес.

Маалыматка ылайык, айдоочу жүктү Тажикстандан Кыргызстанга алып өтүүгө аракет кылган.

Кийинчерээк ушул эле айылдан УКМКнын чек ара кызматкерлери тарабынан Хонда CR-V үлгүсүндөгү унаа кармалган.  Анын ичинде Кыргызстандын жарандары 1990-жылы туулган И.А. жана Б.С. 1990-жылы болгон.

Алар Тажикстандан Кыргызстанга 6 кап спорттук форма – кимонолорду мыйзамсыз алып кирүүгө аракет кылышкан. Аларда да жүккө тийиштүү документтери жок болуп чыккан.

Ошондой эле, эртең менен ушул эле айылда чек арачы тарабынан 1985-жылы туулган К.Н.нын башкаруусундагы «Тойота-Харриер» үлгүсүндөгү унаа Тажикстандан Кыргызстанга мыйзамсыз түрдө мөмө-жемиштерди алып келүүгө аракет кылып жаткан жеринен кармалган.