Шавкат Мирзиёев үй-бүлөсү менен добуш берүүгө келди (сүрөт)

Өзбекстандын президенти жана Либерал-демократиялык партиясынан президенттикке талапкер Шавкат Мирзиёев Ташкенттин Мирзо-Улугбек районундагы №59 шайлоо участогунда добуш берди.

Ал добушканага үй-бүлөсү менен келди. Сүрөттөрдү Өзбекстандын Улуттук маалымат агенттигинин башкы директорунун орун басары, юрист жана блогер Хушнудбек Худайбердиев өзүнүн Telegram-каналына жайгаштырган.

Бүгүн, 24-октябрда Өзбекстанда президенттик шайлоо башталды. Добушканалар жергиликтүү убакыт боюнча саат 08:00дөн 20:00гө чейин иштейт.

Өлкөдө расмий иш алып барган беш саясий партия тең талапкер көрсөткөн.