Министр: Кыргызстан Тажикстандан электр энергия сатып ала баштады

Кыргызстан Тажикстандан электр энергия сатып ала баштады. Бул тууралуу энергетика жана өнөр жай министри Доскул Бекмурзаев билдирди.

Анын айтымында, Тажикстанда ашыкча электр энергия бар болгондуктан, алар аны Кыргызстанга сатууга даяр экенин билдирген.

«Биздин кесиптештер «электр энергия керек болсо берели» деп кайрылышты. Кечээ чалышты, биз макул болдук. Тажикстандан электр энергиясын сатып алып жатканыбызга 2 саат болду. Күнүнө 1 млн кВт/саат алабыз», — деди ал.

Токтогул суу сактагычында суу аз болгондуктан Кыргызстан Түркмөнстандан да электр энергия сатып алууда. Андан тышкары электр энергия сатып алуу үчүн Орусия менен сүйлөшүү жүргүзүүдө.